Nýjar hellulagnir
Innkeyrslur, bílaplön, stígar og verandir. Við sjáum um undirvinnu, hellusand, hellulögn, sögun og fúgusand.
Úr verkumFrá undirvinnu að fullkláruðu plani
01 Undirvinna áður en hellur fara niður
Undirvinna
Bílaplan þarf meiri undirvinnu en stígur eða verönd
Á bílaplani þarf yfirleitt meira burðarlag en á stíg eða verönd vegna bílaálags. Við skoðum jarðveginn og það sem er fyrir áður en ákveðið er hversu mikið þarf að taka upp.
Blaut mold, leir eða annað óburðarhæft efni er fjarlægt þar sem þarf. Síðan fyllum við upp með burðarefni, þjöppum það vel og stillum svæðið í réttar hæðir og vatnshalla áður en hellusandur og hellur fara niður.
- Jarðvegsskipt eftir aðstæðum á hverjum stað
- Óburðarhæfur eða blautur jarðvegur fjarlægður þar sem þarf
- Burðarefni lagt út í lögum og þjappað
- Hæðir og vatnshalli stillt áður en hellulögn hefst
Jarðvegsskipti
Jarðvegsskipti með kranabílnum
Á flestum bílaplönum og innkeyrslum getum við notað kranabílinn með krabbanum. Hann getur tekið upp og skafað efnið beint upp í eigin pall. Við förum með efnið í losun og komum svo til baka með grús og hellusand.
Nýja efninu er síðan dreift beint úr bílnum aftur í planið. Þannig sleppum við oft við að vera með gröfu og annan vörubíl í sömu vinnu, sem getur gert jarðvegsskiptin bæði fljótlegri og ódýrari.
Þjónusta
Hvað getum við tekið að okkur?
Við getum séð um allt verkið eða bara þann hluta sem þú þarft. Við erum með mjög góðan tækjakost, allt frá gröfum og vélbörum upp í vörubíl og kranabíl með krabba. Þannig getum við séð sjálfir um alla jarðvinnuna og tekið verkið frá upphafi til enda.
Endurlögn og viðgerðir
Við tökum upp eldri hellur, lögum undirlag, hæðir og vatnshalla og leggjum hellurnar aftur ef þær eru í góðu lagi.
Jarðvegsskipti og undirvinna
Uppgröftur, losun, burðarefni, þjöppun og hæðarstillingar áður en hellulögn hefst.
Snjóbræðsla
Við leggjum snjóbræðslurörin, setjum upp grind og sjáum um tengingar og annan búnað sem þarf. Við getum tekið allt snjóbræðslukerfið að okkur ef óskað er.
Hleðslur og frágangur
Við getum tekið hleðslur og annan frágang í kringum hellulögnina með í sama verk.
Sorptunnuskýli
Við getum líka smíðað og sett upp sorptunnuskýli með hellulögninni og klárað aðkomuna í einu.
Yfirleitt fer verkið svona fram.
Verkið í stuttu máli
Verkin eru mismunandi, en þetta eru helstu skrefin.
1
Mælum upp svæðið
Við tökum hæðir við hús, hurðir, bílskúr, götu og niðurföll og ákveðum vatnshallann.
2
Tökum upp og jarðvegsskiptum
Gamlar hellur eða annað yfirborð er tekið upp. Jarðvegsskipt er þar sem þarf og burðarefni lagt út og þjappað.
3
Leggjum snjóbræðslu ef óskað er
Ef snjóbræðsla á að vera í svæðinu er fyrst dregið af þunnt lag af hellusandi. Síðan leggjum við snjóbræðslurörin og setjum annað sandlag yfir áður en hellurnar eru lagðar.
4
Leggjum hellurnar
Hellusandur er dreginn af, hellurnar lagðar og sagaðar þar sem þarf. Að lokum er fúgusandur settur í og gengið frá svæðinu.
03 Snjóbræðsla undir hellulögn
Snjóbræðsla
Snjóbræðsla undir hellulögn
Ef snjóbræðsla á að vera í innkeyrslu, bílaplani eða stíg leggjum við hana þegar undirvinnan er komin í réttar hæðir. Fyrst kemur þunnt lag af hellusandi, síðan snjóbræðslurörin og annað sandlag yfir áður en hellurnar eru lagðar.
Við getum tekið allt kerfið að okkur, þar á meðal grind, tengingar og frágang. Pípari vinnur með okkur þannig að við getum séð um verkið frá rörunum í planinu og inn í húsið eftir því sem aðstæður leyfa.
- Snjóbræðslurör í innkeyrslur, bílaplön og stíga
- Hellusandur undir og yfir rörin áður en hellurnar eru lagðar
- Uppsetning á snjóbræðslugrind og tengingum
- Dæla, stýring og annar búnaður eftir því sem kerfið þarf
Algengar spurningar
Spurt og svarað
Hvað kostar hellulögn?
Það fer mest eftir undirvinnunni, aðgengi og því sem er fyrir á svæðinu. Tvö jafnstór bílaplön geta því kostað mjög mismunandi. Þegar við höfum farið yfir verkið gefum við fast tilboð fyrir það sem á að gera.
Hversu djúpt þarf að jarðvegsskipta undir hellur?
Það er ekki ein föst dýpt sem gildir alls staðar. Þar sem þarf jarðvegsskipti tökum við niður á frostfrítt og burðarhæft lag. Dýptin ræðst af jarðveginum sem er fyrir og hvort um er að ræða bílaplan, stíg eða verönd. Blautur eða óburðarhæfur jarðvegur er fjarlægður áður en byggt er upp með burðarefni.
Getið þið gert jarðvegsskiptin með kranabílnum?
Í langflestum tilvikum getum við notað kranabílinn með krabbanum. Hann tekur efnið beint upp í eigin pall, við förum með það í losun og komum til baka með grús og hellusand sem má dreifa beint í planið. Þar sem aðgengi hentar ekki kranabílnum erum við líka með gröfur og vélbörur fyrir þrengri svæði.
Hvað á hellusandurinn að vera þykkur?
Yfirleitt er hellusandurinn um 4–8 cm. Hann er notaður til að jafna og stilla yfirborðið áður en hellurnar eru lagðar. Stærri hæðarbreytingar eiga að vera lagaðar í burðarlaginu.
Hversu mikill halli á að vera á hellulögn?
Það skiptir mestu að vatnið renni frá húsinu og að niðurfalli, götu eða öðrum réttum stað. Við miðum yfirleitt við að minnsta kosti um 2,5% halla þar sem aðstæður leyfa og mótum hallann í burðarlaginu áður en hellusandurinn fer niður.
Getið þið sett upp sorptunnuskýli með hellulögninni?
Já. Við getum smíðað og sett upp sorptunnuskýli samhliða hellulögninni, til dæmis við innkeyrslu eða aðkomu að húsi.
Hvernig er snjóbræðsla lögð undir hellur?
Þegar undirvinnan er komin í réttar hæðir er fyrst dregið af þunnt lag af hellusandi. Snjóbræðslurörin eru síðan lögð á sandinn og annað sandlag sett yfir áður en hellurnar eru lagðar. Bil milli röra og uppsetning fer eftir stærð svæðis og kerfinu sem á að leggja.
Hvað þarf með snjóbræðslunni fyrir utan rörin?
Við getum tekið allt kerfið að okkur. Það getur meðal annars verið snjóbræðslugrind, tengingar, dæla, stýring og annar búnaður eftir því hvernig kerfið er útfært. Pípari vinnur með okkur þannig að við getum séð um bæði lagnirnar úti og tengingar innanhúss.
Getur snjóbræðsla notað mikið heitt vatn?
Já, sérstaklega ef hún gengur lengur en þörf er á eða er illa stillt. Góð stýring skiptir því máli bæði fyrir virkni kerfisins og heitavatnsnotkunina.
Getið þið tekið upp gamlar hellur og lagt þær aftur?
Já. Ef hellurnar eru heilar og í góðu ástandi er oft hægt að nota þær aftur. Þá tökum við þær upp, lögum undirlagið, hæðir og vatnshalla og leggjum sömu hellurnar aftur.
LÓÐAÞJÓNUSTA / HLYNS
Hafa samband
Viltu fá tilboð í hellulögn?
Sendu okkur staðsetningu, stærð svæðisins ef þú veist hana og nokkrar myndir. Við förum yfir verkið og komum að skoða ef þarf áður en við gerum fast tilboð.
