Uppgröftur
Grafið að grunni niður á rétta dýpt og uppgrafið efni flutt af svæðinu.
Úr verkumVinnubrögðin sjást best á framkvæmdinni
01 Minna rask á lóð
Það sem aðgreinir okkur
Rétt tæki gera verkið skilvirkara
Við erum með fjölbreyttan vélarflota og veljum tæki eftir aðgengi og umfangi hvers verks. Það gerir okkur kleift að vinna rösklega án óþarfa handavinnu, stytta verktímann og halda kostnaði betur í skefjum.
Þar sem þarf leggjum við vélamottur undir vélar og akstursleiðir til að hlífa grasi, hellum og aðkomu. Uppgrafið efni fer, þegar aðstæður leyfa, beint í gáma svo vinnusvæðið haldist snyrtilegt og efnisflutningar gangi hraðar fyrir sig.
- Rétt tæki valin eftir aðstæðum
- Vélamottur til að hlífa lóð og aðkomu
- Skilvirkir efnisflutningar og minna rask
Merki um vandamál
Hvenær þarf að skoða dren?
Raki í kjallara, vatn sem stendur við hús eða gamalt drenkerfi eru algeng merki um að ástæða sé til að skoða aðstæður við grunninn.
01
Raki í kjallaraRakablettir, ólykt eða raki neðarlega á veggjum.
02
Vatn við húsPollamyndun eða jarðvegur sem heldur vatni upp við grunn.
03
Gamalt drenEldri lagnir geta verið brotnar, stíflaðar eða rangt lagðar.
Verkþættir
Hvað getum við tekið að okkur?
Við getum tekið verkið í heild og samræmt það sem þarf að gera við grunn, dren og aðrar lagnir utanhúss. Umfangið er alltaf ákveðið út frá aðstæðum og óskum verkkaupa.
Grunnþétting
Grunnur hreinsaður og viðgerður, tjargaður og varinn með takkadúk og þéttum topplista.
Dren og frárennsli
Hentugur brunnur eða tengipunktur fundinn og dren lagt með réttum halla svo vatnið fari frá húsinu.
Skólplagnir utanhúss
Ef óskað er getum við endurnýjað skólplagnir samhliða drenverkinu þegar svæðið er þegar opið.
Vinnuferli
Svona vinnum við drenverk
Markmiðið er einfalt: vatnið þarf að fá örugga og rétta leið frá húsinu. Þess vegna byrjum við á hæðum og tengingum áður en drenrörið er lagt.
1
Finnum rétta frárennslisleið
Við skoðum hæðir, lagnir og niðurföll og finnum hentugan brunn eða tengipunkt sem hægt er að leiða dreninu í.
2
Gröfum og undirbúum
Grafið er niður að grunni á rétta dýpt og aðstæður við grunninn metnar áður en þétting og lagnavinna hefst.
3
Þéttum grunn og leggjum dren
Grunnurinn er unninn og þéttur og drenrörið lagt með réttum og stöðugum halla að brunninum eða tengipunktinum.
4
Klárum lagnir og göngum frá
Ef endurnýja á skólplagnir utanhúss er það gert samhliða meðan svæðið er opið. Að lokum er fyllt að, þjappað og gengið frá samkvæmt samkomulagi.
03 Frágangur við grunn
Grunnþétting
Drenið er aðeins hluti af lausninni
Góð drenlögn skilar ekki fullum árangri ef vatn á greiða leið inn að grunninum. Þess vegna háþrýstiþvoum við grunninn eftir uppgröft, múrum í sprungur og veik svæði eftir þörfum og tjörgum síðan allan grunninn.
Að því loknu er takkadúkur settur upp með topplista. Milli listans og húsveggjarins kíttum við vandlega svo regn- og yfirborðsvatn eigi síður greiða leið niður bak við dúkinn. Þessi frágangur vinnur með dreninu og hjálpar til við að halda vatni frá grunninum.
- Háþrýstiþvottur á grunni
- Múrviðgerðir þar sem þarf
- Tjörun á öllum grunni
- Takkadúkur, topplisti og vandað kítti
Algengar spurningar
Spurt og svarað
Hvað kostar drenverk?
Verðið ræðst af umfangi, aðgengi, dýpt, jarðvegi og frágangi. Við leggjum áherslu á sanngjarna verðlagningu og skilvirk vinnubrögð, svo það er vel þess virði að heyra í okkur og fá fast verðtilboð áður en ákvörðun er tekin.
Gefið þið fast tilboðsverð?
Já. Þegar við höfum farið yfir verkið gefum við fast verð fyrir umsamið verk og stöndum við það verð. Þú veist því áður en framkvæmdir hefjast hvað verkið mun kosta. Ef eitthvað kemur upp sem fellur utan tilboðsins er það alltaf rætt og samþykkt áður en farið er í aukavinnu.
Getið þið skipt um skólplagnir utanhúss?
Já. Þegar verið er að grafa við húsið er oft skynsamlegt að skoða ástand skólplagna um leið. Ef óskað er eftir því getum við endurnýjað þær samhliða drenverkinu, sem getur sparað bæði tíma og kostnað miðað við að opna svæðið aftur síðar.
Getið þið unnið við þröngt aðgengi?
Oft já. Fjölbreyttur vélarfloti gerir okkur kleift að velja tæki eftir aðstæðum, frá minni gröfum fyrir þrengri svæði upp í öflugri búnað þar sem aðgengi leyfir. Rétt tæki á réttum stað hjálpa til við að halda verktíma og kostnaði niðri.
Er pípari með í verkinu?
Þegar tengingar eða lagnavinna kalla á löggiltan pípara fáum við hann með í verkefnið.
Hversu langan tíma tekur drenverk?
Það fer eftir umfangi, aðgengi og jarðvegi. Við getum yfirleitt gefið raunhæfa tímasetningu þegar búið er að skoða verkið.
LÓÐAÞJÓNUSTA / HLYNS
Hafa samband
Vantar þig dren eða frárennslisvinnu?
Ekki hika við að heyra í okkur. Við förum yfir aðstæður, ræðum hvaða lausn hentar og getum gert fast verðtilboð svo þú vitir hvað verkið kostar áður en farið er af stað.